الفرق بين Access Control Standalone System & Controller System

الفرق بين Access Control Standalone System & Controller System

يعنى ايه  standalone :

standalone معناها وحده تعمل مستقله بذاتها هى اللى بتقرأ البيانات (بصمة-كارت-باسورد-حساس - ..... الخ) كل وحدة بحسب امكانياتها و هى اللى بتعالجها (صحيحه او غير صحيحه ) وهى اللى بتاخد القرار (مسموح بالدخول - غير مسموح بالدخول) و هى اللى بتدى الامر للوك (افتح ) .. و السمه الرئيسيه فيها انها بتتحكم فى باب واحد فقط .

يعنى ايه controller - control panel :

معناها متحكم او منظم او معالج ودى بتكون وحدات معالجه فقط و البيانات بتوصلها عن طريق قارئ للبيانات  ( قارئ بصمة - قارئ كروت - قارئ باسورد - حساس ..... الخ) او جهاز standalone مجهز للتوصيل مع controller  ثم تتولى هى معالجه البيانات اللى القارئ بعتها لها و بعدها بتاخد القرار اللى هى متبرمجه عليه ... و السمه الرئيسيه فيها انها ممكن تتحكم فى اكتر من باب 1,2,4 و فى بعض الماركات ممكن تتحكم فى اكتر من 4 ابواب .

الاكسيس كنترول ليه اكتر من تصنيف 

1-Standalone without connection

و دى بتكون اجهزه بسيطه اغلبها بباسورد او كارت و فى بعض الموديلات ببصمة اصبع و بيتم برمجتها من خلال الوحده نفسها عن طريق اكواد او القائمة لو اللوحه مزوده بشاشه

و استخدامها بيكون فى مهام بسيطه مش محتاجه درجه عاليه من الامان مجرد تحكم مثل ( الاسانسيرات - ابواب داخليه - تسهيل الدخول من ابواب معينه زى باب شركتنا )

2- Standalone with connection

دى اجهزه تعمل كوحده مستقله لكن مزوده بأمكانيه الاتصال بشبكة او كمبيوتر (TCP\IP or RS485) علشان نقدر نسحب منها بيانات الدخول و الخروج 

و بعضها نقدر نبرمجه 100% عن طريق برنامج التشغيل الخاص بيها (pure access control device)

  Access control panel ( controller) -3

طبعا عرفنا التعريف بتاعها  ايه بس ليه نستخدمها و مانستخدمش standalone ؟ 

لأن ببساطه هى بتتحكم فى اكتر من باب ف تقدر نعمل link او شروط معينه للدخول من الابواب دى زى :

Fire Alarm Linkage 

يعنى لما انذار الحريق يضرب كل الابواب تفتح

Interlock

يعنى باب 2 مايفتحش الا لما باب 1 يتقفل ... وهكذا

Anti-Passback

يعنى محدش يقدر يسجل خروج الا لو مسجل دخول

Multi Card Opening

يعنى الباب مايفتحش الا فى وجود عدد معين من الاشخاص

First Card Normal Open

يعنى الباب مايفتحش الا بعد ما شخص معين يسجل عليه دخول (امين المخزن مثلا)

 وعموما اللوحات بدينا مساحه علشان نوفق اكتر من نظام مع بعض لان فيها option اسمه Auxiliary in&out يخلينا نربطهم ببعض

*** ملحوظه : مش شرط كل ال options تكون متاحه فى لوحه واحده كل لوحه و ليها امكانياتها..

Hager Mohammed

01092124147

Hager.mohammed1717@gmail.com